సీఎం రేవంత్ రెడ్డితో ఎమ్మెల్యే కాలే యాదయ్య భేటీ

ముఖ్యమంత్రి ఎనుముల రేవంత్ రెడ్డితో ఇటీవల కాంగ్రెస్ లో చేరిన బీఆర్ఎస్ ఎమ్మెల్యే కాలే యాదయ్య భేటీ అయ్యారు. బీఆర్ఎస్ నుండి కాంగ్రెస్ లో చేరిన ఎమ్మెల్యేలు తిరిగి బీఆర్ఎస్ లో చేరతారు అని వార్తలు వస్తోన్న నేపథ్యంలో వీరి భేటీ ప్రాధాన్యతను నెలకొన్నది.

కాంగ్రెస్ లో చేరిన గద్వాల బీఆర్ఎస్ ఎమ్మెల్యే బండ్ల కృష్ణమోహాన్ రెడ్డి తిరిగి బీఆర్ఎస్ లో చేరనున్నట్లు ప్రకటించిన సంగతి తెల్సిందే. నిన్న మంగళవారం అసెంబ్లీలో బీఆర్ఎస్ ఎల్పీ కార్యాలయంలో ఎమ్మెల్యే బండ్ల బీఆర్ఎస్ వర్కింగ్ ప్రెసిడెంట్ కేటీఆర్ ను కల్సి నేను ఏ పార్టీలో చేరలేదు..

నేను బీఆర్ఎస్ లోనే ఉన్నాను. త్వరలోనే కేసీఆర్ ను కలుస్తాను అని చెప్పిన సంగతి తెల్సిందే.. ఆ తర్వాత ఇటీవల కాంగ్రెస్ లో చేరిన బీఆర్ఎస్ ఎమ్మెల్యేలు తిరిగి బీఆర్ఎస్ లోకి వస్తారని వార్తలు వైరల్ అవుతున్న నేపథ్యంలో తాజాగా రేవంత్ రెడ్డితో కాలే యాదయ్య భేటీ గమనార్హం.