దేవర కలెక్షన్ల సునామీ….!

హిట్ చిత్రాల దర్శకుడు కొరటాల శివ దర్శకత్వంలో కళ్యాణ్ రామ్ సమర్పణలో ఎన్టీఆర్ ఆర్ట్స్ బ్యానర్ పై నిర్మితమవ్వగా పాన్ ఇండియా స్టార్ హీరో యంగ్ టైగర్ జూనియర్ ఎన్టీఆర్ హీరోగా.. బాలీవుడ్ బ్యూటీ జాన్వీ కపూర్ హీరోయిన్ గా.. సైఫ్ అలీఖాన్, ప్రకాష్ రాజ్, అజయ్, శ్రీకాంత్ తదితరులు ప్రధాన పాత్రల్లో నటించిగా ఈనెల 27న ప్రేక్షకుల ముందుకొచ్చిన మూవీ దేవర..

విడుదలైన తొలిరోజు బెనిఫిట్ షో నుండే మంచి హిట్ టాక్ తెచ్చుకోవడంతో దేవర కలెక్షన్ల సునామీని సృష్టిస్తుంది.మొదటి రెండు రోజుల్లో దేవర మూవీ వందకోట్లకుపైగా కలెక్ట్ చేసినట్లు ట్రేడర్స్ చెబుతున్నారు. మొదటి రోజు నైజాలో రూ. 6.94 కోట్లు, సీడెడ్‌లో రూ. 3.77 కోట్లు, వైజాగ్‌లో రూ. 1.68 కోట్లు, తూర్పు గోదావరి జిల్లాలో రూ. 0.86 కోట్లు, పశ్చిమ గోదావరిలో రూ. 0.48 కోట్లు, కృష్ణాలో రూ. 0.95 కోట్లు, గుంటూరులో రూ. 0.82 కోట్లు, నెల్లూరులో రూ. 0.62 కోట్లు వసూలు చేసినట్లు తెలిపారు.

మరోవైపు రెండు రోజుల కలెక్షన్లు చూసుకుంటే  నైజాంలో రూ. 36.26 కోట్లు, సీడెడ్‌లో రూ. 19.17 కోట్లు, వైజాగ్‌లో రూ. 12.15 కోట్లు, తూర్పు గోదావరిలో రూ. 5.88 కోట్లు, పశ్చిమ గోదావరిలో రూ. 4.08 కోట్లు, కృష్ణాలో రూ. 4.97, గుంటూరులో రూ. 7.09 కోట్లు కలిపి మొత్తంగా రూ. 100 కోట్లకు పైగా వసూలు చేసినట్లు తెలుస్తుంది..